|
Mendi Lasterketek Euskal Mendizale Federazioaren estatutuetan biltzen diren jardueren multzoko diziplina bat osatzen dute, eta estatutu horiek federazioren biltzarrak eta Eusko Jaurlaritzaren Kultura Saileko Kirol Erakundeen Erregistroak onartuta daude.
Mendi Lasterketak uda garaian nahiz neguan izaten dira, eta esklusiboki ahalik eta epe laburrenean oinez egiten diren lasterketak sartzen dira beronen barnean. Lasterketa horietan ezin izango dira sartu % 40tik gorako maldak edo 2. mailako zailtasun teknikoak. Hona hemen sailkapena:
• Behe-mailako mendi-lasterketak.- Ibilbidearen puntuetariko batean 300 m-ko altuera gainditzen duten baina kotarik handienean 1.000 m-ko altuera gainditzen ez duten lasterketak dira.
• Erdi-mailako mendi-lasterketak.- Ibilbidearen punturen batean 1000 m-tik gorako altuerara iristen diren lasterkak dira.
• Goi-mailako mendi-lasterketak.- Ibilbidearen punturen batean 2.000 m-tik gorako altuerara iristen diren lasterketak dira.
• Skyrunning lasterketak.- Goi Mendiko Nazioarteko Kirol Federazioak (FSA) izendapen hori ematen dien lasterketak dira
|
|
Euskal Herriko Mendi Lasterketei dagokienez, hauxe da Euskal Mendizale Federazioaren helburua:
Kirol-espezialitate honen bilakaera sustatzea eta zeregin horretan laguntzea, araudiarekin lotutako gaietan, azpiegituretan eta lasterkarien kirol prestakuntzari eta mendiko teknikariei dagokienez; estatuko eta nazioarteko lehiaketa ofizialetan, Euskal Mendizale Federazioa ordezkatuko duten kirolarien hautaketarako erreferentziatzat erabiltzea, eta lehiaketetan Lurralde Federazioetako eta Mendi Elkarteetako mendiko lasterkari eta talde onenak biltzea, guztia, baliabideen kudeaketa integralean oinarrituta.
|